Sunday, December 9, 2007

ഊണും ഉറക്കവും എന്തിന്‌? പോരാട്ടമാണ്‌ കാര്യം!

കേരളത്തിലെ മന്ത്രിമാരുടെ കഴിവുകളെയും കഴിവുകേടുകളെയും കുറിച്ച്‌ തര്‍ക്കമുള്ളവരുണ്ടാകാം. എന്നാല്‍ കൂട്ടത്തില്‍ ഏറ്റവും മണ്ടന്‍, ദിവാകരനാണെന്ന കാര്യത്തില്‍ സി.പി.ഐക്കാര്‍ക്ക്‌ പോലും തര്‍ക്കം കാണില്ല!

ജനത്തെ ഏറ്റവും ബാധിക്കുന്ന ഭക്ഷ്യവകുപ്പുതന്നെ ദിവാകരനു നല്‍കിയവന്മാരുടെ ബുദ്ധിയും അപാരം. ചോറുതന്നെ ഉണ്ണണ്ണം എന്നാരും വാശിപിടിക്കരുതെന്നാണ്‌ ദിവാകരന്‍ അരുള്‍ ചെയ്തത്‌. പൗരന്മാരുടെ വോട്ടുകൂമ്പാരത്തിനുമുകളില്‍ കയറി നിന്നാണ്‌ ആള്‍ മുണ്ടുപൊക്കിക്കാട്ടുന്നത്‌!

ഭരണത്തിന്റെ രണ്ടാം വര്‍ഷം എത്തും മുമ്പെ ഇതാണ്‌ നിലപാടെങ്കില്‍ ഇനിയങ്ങോട്ട്‌ എന്തൊക്കെ വെളിപാടുകളാണ്‌ മന്ത്രിയദ്ദേഹം പുറത്തുവിടാന്‍ പോകുന്നതെന്നോര്‍ത്തിട്ട്‌ പേടിയാകുന്നു.

'ഉണ്ണണ്ണം' എന്നാരും വാശിപിടിക്കരുതെന്നാവാം അടുത്ത തിരുവചനം ഊണും ഉറക്കവുമൊക്കെ ബൂര്‍ഷ്വാ ജീവിതശൈലികളത്രെ. തൊഴിലാളികള്‍ക്കുമുന്നില്‍ 'പോരാട്ടം' എന്നൊരു സംഗതി മാത്രമേയുള്ളൂ!

ഒരു പോരാളിക്ക്‌ ഊര്‍ജം പകരുന്നത്‌ മുട്ടയും പാലുമല്ല; കഞ്ഞിയും പയറുമല്ല. പിന്നെയോ; ദിനേശ്‌ ബീഡിയും കട്ടന്‍ ചായയുമത്രെ!

ബീഡിയും കട്ടനും കഴിച്ച്‌ കാലയാപനം നടത്താന്‍ ഇനിയും പാര്‍ട്ടിയില്‍ ആളെ കിട്ടില്ലെന്ന്‌ സിപിഎം കാര്‍ക്കറിയാം. സഖാവ്‌ ജയരാജന്‍ പാര്‍ട്ടിയെ 'കോടി' പുതപ്പിക്കാന്‍ നടക്കുന്നത്‌ അതിനാലാണ്‌!

പാര്‍ട്ടിയില്‍ ആളെ കൂട്ടാന്‍ അമ്യൂസ്മെന്റ്‌ പാര്‍ക്കില്‍ ഊഞ്ഞാലാട്ടിക്കൊടുക്കേണ്ട കാലമാണ്‌ വരുന്നത്‌. സിപിഐക്കാര്‍ അത്‌ സമ്മതിക്കില്ല. ഒറിജിനല്‍ കമ്യൂണിസം അവരുടെ കയ്യിലിരിക്കുകയാണ്‌.

വിലക്കയറ്റം എന്നത്‌ വെറുമൊരു കുപ്രചരമാണ്‌. ഇവിടെ വിലക്കയറ്റം എന്നൊന്നില്ല. ഏതു പാവപ്പെട്ടവനും സുഖമായി ജീവിക്കാം - ഈ സര്‍ക്കാരിന്റെ കാലത്ത്‌. സിപിഐ ജനയുഗം തുടങ്ങിതുകണ്ടില്ലേ. യുഡിഎഫാണ്‌ ഭരിച്ചിരുന്നതെങ്കില്‍ ജനയുഗം പോയിട്ട്‌ ഒരു നോട്ടീസ്‌ പോലും ഇറക്കാന്‍ വകുപ്പുണ്ടാകുമോ?

ബൂര്‍ഷാ മാധ്യമമായ വീക്ഷണവും വിപ്ലവ മാധ്യമമായ ജനയുഗവും തമ്മില്‍ വല്ല വ്യത്യാസവുമുണ്ടോ? ഒരേതരം പേപ്പര്‍, ഒരേതരം ലേ ഔട്ട്‌, ഒരേതരം പ്രിന്റിംഗ്‌, ഒരേതരം ഉള്ളടക്കം! അതാണ്‌ ഇടതുസര്‍ക്കാരിന്റെ ഗുണം.
നാട്ടുകാരുടെ ഊണും ഉറക്കവും കുറഞ്ഞാലും കമ്യൂണിസം നടപ്പാവും.

ആരും ഒന്നിനും വാശിപിടിക്കരുത്‌!

2 comments :

  1. ഫസല്‍ ബിനാലി.. said...

    conflict between haves and havenotes

    paalum muttayum kazhikkunnavar thammilulla varga samaram naale

  2. അപരന്‍ said...

    Please post names of those who are writing these at least pen names..

    just to appreciate.

    to my heart i am saying simply awesome....

    my hearty thanks for all these columns....
    today only i saw ur site but i am reading all the day this only...