മതിയായില്ലേ?
ഇത്‌ കണ്ണൂര്‍ കാഴ്ച;
നിണക്കൊയ്ത്ത്‌!
കണ്‍നിറയെ കണ്ട്‌
ചെവി നിറയെ കേട്ട്‌
മനം നിറയെ നിറച്ച്‌
നേതാക്കള്‍
സര്‍വ്വകക്ഷി സമാധാനയോഗം
നടത്തി പിരിഞ്ഞു.
അവര്‍ക്ക്‌
മൃത്യുതാണ്ഡവം മതിയായി കാണുമായിരിക്കാം.....
.....................................................
.....................................................,
അടങ്ങാത്ത ഒരു നിലവിളി,
ഒടുങ്ങാത്ത ഒരു ഗദ്ഗദം,
ഒരു പിഞ്ചു കുഞ്ഞിന്റെ അനാഥത്വം,
ഒരു ഭാര്യയുടെ നിത്യ വൈധവ്യം,
കൂടപ്പിറപ്പിന്റെ നിലയ്ക്കാത്ത രോദനം,
സുഹൃത്തിന്റെ അടക്കാനാവാത്ത കണ്ണീര്‍.....
മതിയായി കാണുമായിരിക്കും,
മൃത്യുവിന്റെ
ചെങ്കൊടിച്ചതികള്‍ക്കും
കാവികാപട്യങ്ങള്‍ക്കും..!
കണ്ണൂരിലെ ഈ
നിണക്കളികള്‍....
0 comments :
Post a Comment